សូមស្វាគមន៍
ព្រលឹងកូនខេ្មរ
ឳ! ឱ!កូនខ្មែរទាំងឡាយអើយ ចូលកុំព្រងើយរែងរិះគិត
ព្រលឹងជាតិខ្មែរត្រូវក្រៀមស្វិត បរទេសរួមឥតថ្ងៃស្រាន្ត។
គ្មានសល់ទៀតមាតុភូមិខ្មែរ បរទេសបង្វែចូលរុករាន
បំភ្លៃវប្បធម័ជាតិថ្កើនថ្កាន កូនខ្មែរគ្រប់ប្រាណត្រូវរក្សា។
ខ្មែរមានអំបូរមានទឹកដី អរយះជាតិថ្លៃឥតសង្កា
ដូនតានៃយើងខំស្ថាបនា សាងប្រាង្គសិលាជាសក្ខី។
អង្គរឈរទ្រឹងចាំមើលខែ្មរ ឱ្យចូលមកក្បែរប្រែសំដី
អង្គរចង់ប្រាប់ខ្មែរប្រុសស្រី សូមអ្នកប្រណីថែខ្ញុំផង។
ខ្ញុំចាស់ទ្រុតទ្រោមរៀងរាល់ថ្ងៃ ខេមរាអ្នកថ្លៃកុំបីឈ្គង
អ្នកយករូបខុំអួតអ្នកផង ទាំងលោកសាសងថាខ្ញុំស្អាត។
តើខ្មែរដឹងទេក្នុងទ្រូងខ្ញុំ មានតែទំហំសមមាត្រ
គេលួចបេះដួងទ្រូងច្អៀត បើខ្មែរមាសៀតខ្ញុំក្ស័យប្រាណ។
អង្គរប្រាប់យើងថាក្នុងទ្រូង មានផ្ទៃប្រហោងឥតអ្វីរាំ
វាលួចរាល់ថ្ងៃពួកចោរខ្មាំង ស្រាបតែតាំងនៅឯបរទេស។
ខ្ញុំសូមប្រាប់ខ្មែរឧ្យគ្រោកឡើង ថែកេរ៍ដូនយើងឧ្យថ្កើនថ្កាន
ផ្ទៃដីកោះជ្រោយសព្ចភូមិឋាន ទៀមទាឱ្យបានកុំឱ្យបាត់។
ខាងជើងខាងត្បូងលិចខាងកើត ទឹកដីល្អឆើតដែលត្រូវបាត់
មេ្តចក៏មិនគិតនៅសូន្យស្ងាត់ ឱ្យគេលួចព្រាត់ខ្មែរគ្មានសល់។
ខ្មែរពូជអ្នកជាពិបូរាណ ចូលអ្នករួសរានកុំសល់វល់
សាមគ្គីទ្លុំងមួយកុំបីឆ្ងល់ ទុកឱ្យសកលលោករន្ទឺ។
ថាខ្មែរអ្នកជាបានគ្រកឡើង សាងភាពរុងរឿងគួរឱ្យព្រឺ
ចូលរួមដៃគ្នាកុំនៅល្ងើរ ឱ្យលោកបានឮកំចាត់ខ្មាំង។
មួយទៀតដង្តូវនៅកក្នុងផ្ទៃ ចូលមកប្រល័យជាតិដច្នោះ
ខេមរាត្រូវដឹងកុំបីហ្វេស នេះហើយជាលេសបង្វែខ្មែរ។
បញ្ហាប្រាសាទព្រះវិហារ
អង្គការក្រៅរដ្ឋាភិបាលចំនួន២បានប្រកាសត្រៀមដឹកនាំបាតុកម្មអហិង្សាតវ៉ាមួយដោយមានការហែក្បួនមនុស្សចំនួន៣ពាន់នាក់ដើម្បីជូនញត្តិទៅស្ថានទូតថៃនៅក្រុងភ្នំពេញ ក្រោយពេលរដ្ឋាភិបាលថៃបានសម្រេចតាមតុលាការថៃដកសេចក្តីគាំទ្រចំពោះការស្នើដាក់បញ្ចូលបា្រសាទព្រះវិហារជាបេតិភណ្ឌពិភពលោក ។
លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យនិងជាតំណាងក្រុមប្រឹក្សាឃ្លាំមើលកម្ពុជាបានមានប្រសាសន៍នៅថ្ងៃទី៣ កក្កដានេះ ថាការដែលតំណាងរាជរដ្ឋាភិបាលបានគូសផែនទីថ្មីដើម្បីដាក់ជូន UNESCO ភ្ជាប់ជាមួយឯកសារសុំដាក់ព្រះវិហារជាបេតិកភណ្ឌពិភពលោកនោះវាអាចឲ្យកម្ពុជាបាត់បង់ទឹកដីមួយចំនួន ។
លោក រ៉ុង ឈុន បានឲ្យដឹងថា ៖ «សាលក្រមតុលាការអន្តរជាតិនៅក្រុងឡាអេនៅឆ្នាំ១៩៦២ ដែលឯកសារតម្កល់នៅទីហ្នឹងស្រាប់ យើងគិតថាវាគ្រប់គ្រាន់សម្រាប់ការបញ្ចូលប្រាសាទព្រះវិហារទៅក្នុងបេតិកភណ្ឌអន្តរជាតិនោះ វាគ្រប់គ្រាន់ហើយយើងមិនចាំបាច់សុំការគាំទ្រឬការទទួលស្គាល់ពីភាគីថៃនោះទេ» ។
ទាក់ទងជាមួយការរៀបចំបាតុកម្មអហិង្សានោះវិញ ក្រុមប្រឹក្សាឃ្លាំមើលកម្ពុជាមិនទាន់បានកំណត់ពេលវេលានិងចំនួនមនុស្សនៅឡើយទេ ៖ «យើងនឹងធ្វើការទាមទារដោយអហិង្សា ប៉ុន្តែយើងនឹងតាមឃ្លាំមើលនិងអង្កេតបើសិនជាភាគីថៃនៅតែមានមហ្ចិចតាប៉ុនប៉ងនិងរំលោភបន្តបន្ទាប់មកទៀត ក្រុមប្រឹក្សាឃ្លាំមើលនិងដឹកនាំធ្វើមហាបាតុកម្មអហិង្សាមួយ» ។
ទាក់ទងជាមួយការរៀបចំបាតុកម្មនេះដែរប្រធានអង្គការក្រៅរដ្ឋាភិបាលមួយឈ្មោះមជ្ឈមណ្ឌលវប្បធម៌ជាតិនិងសីលធម៌សង្គម បាននិយាយប្រាប់កាសែតក្នុងស្រុកមួយឈ្មោះរស្មីកម្ពុជាថា លោកមានគម្រោងរៀបចំបាតុកម្មមួយដែលមានមនុស្សចំនួន៣ពាន់នាក់ចូលរួមដោយហែជាក្បួនពីវិមានឯករាជ្យទៅស្ថានទូតថៃ ដើម្បីប្រគល់ញត្តិគាំទ្រការដាក់ប្រាសាទព្រះវិហារជាបេតិកភណ្ឌពិភពលោក ។ តែមុននឹងរៀបចំបាតុកម្មនោះលោកនឹងសុំការអនុញ្ញាតពីសាលាក្រុងភ្នំពេញជាមុនសិន ។
កាលពីថ្ងៃទី២ កក្កដាកន្លងមកនេះ រដ្ឋាភិបាលថៃបានផ្ញើលិខិតផ្លូវការមួយច្បាប់មករដ្ឋាភិបាលកម្ពុជាចាត់ទុកជាមោឃៈចំពោះសេចក្តីប្រកាសរួមថៃកម្ពុជា ដែលបានព្រមព្រៀងគ្នាកាលពីថ្ងៃទី១៨ មិថុនា ថាដាក់ប្រាសាទព្រះវិហារជាបេតិកភណ្ឌពិភពលោក ។ ការសម្រេចរបស់រដ្ឋាភិបាលថៃនេះបានកើតមានឡើងក្រោយពេលតុលាការរដ្ឋបាលរបស់ថៃបានតម្រូវឲ្យរដ្ឋាភិបាលថៃព្យួរការប្រកាសរួមនោះ ។
កាលពីថ្ងៃទី២ កក្កដាកន្លងមកនេះ រដ្ឋមន្ត្រីក្រសួងការបរទេសថៃ លោក នុបប៉ាឌុល បាត់តាម៉ា បានធ្វើសន្និសីទកាសែតមួយនៅក្រុងបាងកកប្រកាសសេចក្តីសម្រេចចិត្តរបស់រដ្ឋាភិបាលថៃ ។
សូមជម្រាបថាបច្ចុប្បន្ននេះប្រាសាទព្រះវិហារដែលនៅក្នុងដីខ្មែរនោះបានបិទមិនឲ្យមានភ្ញៀវទេសចរណ៍ចេញចូលមកទស្សនាប្រាសាទតទៅទៀតឡើយ ៕
សូមអរគុណ ដល់លោកអ្នកដែលបានចូលក្នុងប្លុកនេះ
